Në spitalin e ri gjinekologjik 'Nënë Tereza' në Çair lindi foshnja e parë. Fëmija është djalë, dhe i pari që përuron këtë spital, për të cilin u deshën 16 vjet për t'u përfunduar. Në këtë objekt janë investuar 4 milionë euro, prej të cilave 3 milion për ndërtimin dhe 1 milion për pajisjet. <br /><br />Risi tjetër, është edhe fakti se, nga sot, infermieret në të gjitha maternitetet në Maqedoni, janë të obliguara t'i vizitojnë nënat për cdo orë, dhe të informojnë për gjendjen e tyre.<br /><br />"Infermierja ka obligim që ta vizitojë çdo orë pacienten dhe t'i drejtojë asaj disa pyetje të përgatitura në bashkëpunim me profesorët e klinikës gjinekologjike të Shkupit, me qëllim të rritjes së cilësisë së shërbimit", Nikolla Todorov, ministër i shëndetësisë.<br /><br />Sipas autoriteteve, objekti i ri posedon pajisje moderne dhe kushte shumë të mira. Autoritetet thonë se ky objekt iu përgjigjet sfidave më të mëdha nga fusha e gjinekologjisë dhe obstetrikës botërore. Bojana Simonoviq
