BERAT- Berati, qyteti që mbrohet nga UNESCO duket se këtë vit do të presë turistët me atmosferë zgjedhjesh, ndonëse është përmbyllur prej ditësh ky proces.<br /> <br />Pjesë të ndryshme të qytetit të një mbi një dritareve janë të veshura ende me postera dhe shkrime elektorale.<br /> <br />Kjo është panorama që kanë lënë partitë politike pas zgjedhjeve të 23 qershorit, ku në muret e pallateve, apo edhe mbi godinat e qendrave shëndetësore kanë mbetur sërish posterat e kandidatëve për deputetë të partive kandidate.<br /> <br />Sic duket askush nuk ka marrë masa për heqjen e posterave, duke e lënë ende me atmosferë zgjedhjesh ne qytetin e Beratit I cili në këtë periudhë vizitohet nga mijëra turistë.<br /> <br />Edhe në qytetin e Vlorës atmosfera e zgjedhjeve duket se ka mbetur e gjallëruar ashtu si pak ditë para 23 qershorit. Sic duket, posterat, flamujt, billbordet nuk janë hequr nga rruhët kryesore të qytetit bregdetarë.<br /> <br />Atmosferë zgjedhjesh ka edhe nëpër lagjet kryesore të Vlorës, ndërsa pushuesit do ta gjejnë qytetin të mbuluar nga posterat e kandidatëve për deputetë dhe ngjyrat përkatëse të partive kandidate.
