EGJIPT - Fillon grushti i shtetit në Egjipt. Ultimatumi i ushtarakëve skadon në orën 16:30. Pritet që ushtria të dalë me një deklaratë. Opozita egjiptiane ka publikuar në internet një orë digjitale të quajtur "Morsi Timer", e cila shfaq minutat e fundit të skadimit të kohës për dorëheqjen e Presidentit.<br /><br />ORA 15:23 PRAGU U GRUSHTIT TE SHTETIT - AUTOBLINDAT E USHTRISE RRETHOJNE TELEVIZIONIN SHTETEROR<br />Autoblinda dhe tanke janë vendosur pranë televizionit shtetëror. Stafi është evakuar për siguri. Sot duhej të dorëhiqej Mohamed Morsi nga pushteti ose do të mobilizohej ushtria, thuhej në komunikatën e re të liderve ushtarakëve në Egjipt. Sot është dita më e rëndësishme për Egjiptin pas rrëzimit të Hosni Mubarak në vitin 2011, shkruajnë mediat e huaja.<br /><br />Dje, në orët e vona, Presidenti Mohamed Morsi refuzoi t'i përkulet ultimatumit të ushtrisë egjiptiane për të gjetur një zgjidhje ndaj trazirave të përgjakshme në vend ose të dorëhiqej. Ai tha:"Do ta mbroj demokracinë me jetën time."<br /><br />Ndërsa nga ana e tyre, liderët ushtarakë të Egjiptit deklaruan se ushtria "do të sakrifikojë edhe gjakun e saj" për të mbrojtur vendin. Ndërkohë, 23 të vdekur dhe 200 të plagosur numërohen. Ky është bilanci i përleshjeve pranë Universitetit të Kajros deri në orët e vona të së martës.
