Nga 1 shtatori shkollat fillore "Braqa Milladinovci" dhe "Shën Kirili dhe Metodi" do të e aplikojnë programin ndërkombëtarë IB për nxënës deri në klasën e pestë, që parasheh mësim shumë më ndryshe se mësimi klasik i të ligjëruarit në dërrasë të zezë. Programi parasheh mësim interaktiv dhe më shumë punë praktike. Sipas autoriteteve, bëhet fjalë për program që ofron mundësi për vazhdim të arsimit ndërkombëtarë.<br /><br />"I tërë ndryshimi është në qasjen. Fokusi tërësisht bie mbi nxënësin që hulumton, pyet, zbulon, ndërsa mësuesi është ai që i ndihmon në tërë këtë, gjegjësisht merr rolin e lehtësuesit, në procesin e mësimit. Thjeshtë, me programin IB tejkalohet mënyra klasike e ligjërimit në dërrasë të zezë", u shpreh Spiro Ristovski, ministër i arsimit<br /><br />"Ekzistojnë katër faktorë kyç që e definojnë arsimin e IB-së. Drejtim drejtë nxënësve dhe inkurajimi i tyre për të qenë aktiv dhe në mënyrë të vazhdueshme të mbindërtohen, të kenë qasje interaktive me të cilin vihet aksenti në hulumtim dhe mendim, funksionim në kontekst global dhe u ndihmon nxënësit më mirë ta kuptojnë shumëgjuhëshin dhe marrëdhëniet mes kulturave", tha Adrijan Kerni, drejtor i fondacionit ndërkombëtarë IB.<br /><br />Programi IB do të jetë në maqedonisht, ndërsa si gjuhë e dytë, në mënyrë intensive do të mësohet gjuha angleze. Nga viti i ardhshëm, IB do të zbatohet në të njëjtat shkolla edhe për klasat nga e gjashta deri në të nëntën. Mësuesit dhe drejtorët e shkollave gjatë verës do të trajnohen nga ekspertë të fondacionit IB. Ky program në suaza botërore është aplikuar në 3500 shkolla në 145 vende dhe sipas kësaj, arsimohen mbi 1 milion nxënës. Bojana Simonoviq
