Krujë - Tregu i qytetit të Fushë-Krujës lë për të dëshiruar, pasi produktet ushqimore tregtohen jashtë kushteve higjeno-sanitare. Infrastruktura e tregut është tejet e amortizuar, ndërsa produktet ushqimore, apo veshmbathjet tregtohen midis rrugëve të dëmtuara, pirgjeve me mbeturina, pusetave të hapura dhe pluhurit që krijohet nga automjetet që lëvizin. <br /><br />Tregtarët thonë se askush nuk është interesuar për këtë problem dhe se kushtet e tregtimit janë të papërballueshme për ta.<br /><br />"Tregu i Fushë-Krujës nuk është i rregullt. Si nga papastërtia, si nga ambjenti përreth. Jemi ankuar disa herë, asnjë gjë nuk është bërë deri më sot", shprehen tregëtarët.<br /><br />Nga ana tjetër, edhe drejtori i Institutit të Higjienës në Fushë-Krujë, Durim Kulli pranon situatën dhe fajëson vetë tregtarët ambulantë për këtë situatë. <br /><br />"Shumë nga tregëtarët ambulantë dalin në rrugë, shesin vend e pavend mes pluhurit diellit dhe faktorëve të tjerë mjedisor që normalisht që ndikojnë në cilësinë dhe rrezikut për sëmundje që vijnë nga konsumimi i këtyre produkteve që tregëtohen jashtë kushteve higjeno-sanitare", tha për A1 Report drejtori i higjenës, Durim Kulli.<br /><br />Për një kohë të gjatë tregtarëve u është premtuar ndryshimi i kushteve nga ana e pushtetit lokal por ende nuk është bërë asgjë.
