FIER - Krimi në familje nuk ndalet dhe shënon viktimën e radhës. Ngjarja e rëndë u shënua kësaj herë në fshatin Vajkan të Fierit. Këtë herë ka qenë gruaja ajo që ka qëlluar me thikë bashkëshortin e saj duke e plagosur rëndë. <br /><br />Sipas policisë së Fierit, 23 vjeçarja, Arlinda Hasani pas një sherri me bashkëshortin e saj Besmir Asllani, 32 vjeç e ka goditur disa herë me thikë. 32-vjeçari është transportuar me urgjencë në kirurgjinë e Fierit, pasi është goditur me thikë në veshka dhe aktualisht ndodhet në gjendje kritike për jetën.<br /><br />Ngjarja ka ndodhur në një lokal pranë një pike karburanti, ndërsa menjëherë pas ngjarjes ka reaguar edhe babai i 32-vjeçarit të plagosuR.<br /><br />Demir Asllani tregon se ndërmjet çiftit ka patur disa konflikte, por sipas tij veprimi i nuses së shtëpisë është i patolerushëm. Sipas tij, gjendja e rëndë ekonomike mendohet të jetë shkaku kryesor i ngjarjes.<br /> <br />"Ata kanë pasur probleme herë pas here, grindeshin për gjëra të kota,"- shpjegon ai.- "Shkak dyshohet gjendja e rëndë ekonomike. Ata kanë dy vajza, nje foshnje 5-muajshe, që tani nuk e dime se kush do ta mbajë se është me gji, kurse fëmija tjetër, vajza 7 vjeç, ndodhet tek prindërit e nuses në Greqi."<br /><br />Çifti ka dy vajza, një foshnje 5 muajshe dhe një vajzë 7 vjeçe, e cila aktualisht ndodhet në Greqi tek prindërit e 23-vjeçares. Policia ka arrestuar autoren, Arlinda Asllani dhe po heton për zbardhjen e rrethanave.
