'Duke kërkuar brirët, i humbëm edhe veshët'. Kështu e komentoi punën e deritanishme të komisionit hetimor, Borçe Davitokovski i cili ka deponuar sot dorëheqjen e tij tek presidenti i shtetit. Megjithatë kreu i shtetit, me pretekstin se nuk ka pasur kohë për ta takuar Davitkovskin, ka deklaruar se javën tjetër, kur edhe ishte parashikuar takimi i rregullt, do të njihet me hapin e tillë të Davitkovskit. Davitkovski e kishte shprehur ndjenjën e largimit, ditë më parë, duke thënë se prezenca e tij në Komision është ishte vënë në pikëpyetje, për shkak se dy palët partiake në komision, ndanin qëndrime tepër të thella mbi konkluzionet e tij.<br /><br />"Desha që të pinim një kafe dhe t'i tregoja se si është situata momentale, se Komisioni është i bllokuar... e t'i theksoja se dua të tërhiqem nga detyra për shkak se ...mendoj se prezenca ime e mëtejshme në komision është e pakuptimtë. Dallimet janë shumë të mëdha. Mendoj se bëmë një raport shumë të mirë, rekomandime të shkëlqyeshme, erdhëm shumë afër qëndrimit të përbashkët, por sërish ndajmë diferenca. Desha ta informoja kreun e shtetit dhe eventualisht të më çlironte nga ky obligim", tha Borçe davitkovski, kryetar i Komisionit hetimor. <br /><br />Nga ana tjetër, Ivanov i cili gjeti kohë për ngjarje të tjera në axhendën e tij, ka theksuar se vetëm javën e ardhshme do të njihet me këtë ngërc të komisionit, nga i cili rrezikon të shpërthejë më shumë situata politike.<br /><br />"Gjatë javës së ardhshme do të takohem me të, dhe do të kuptoj se deri ku është puna me Komisionin dhe cili është shkaku që e shtyu atë në këtë veprim dorëheqjeje. Javën e ardhshme planifikojë takim me të. Komisioni ka punuar me shumë mund, unë e di se një pjesë e madhe e punëve janë konstatuar, gjendja është nënvizuar, e di se janë përgatitur konkluzione, megjithatë, se për çfarë bëhet fjalë akoma nuk i kam informatat", u shpreh Gjorge Ivanov, president i shtetit. <br /><br />Davitkovski nuk përjashton mundësinë se nëse palët në komision bien dakord në kapërcimin e këtij ngërçi në punën e komisionit dhe të arrijnë një marrëveshje të pranueshme nga të dy palët, ai i gatshëm ta firmos raportin konkludues. Bedri Rexhallari
