LEZHË - Siguria ushqimore gjate sezonit turistik ka marrë vëmendjen maksimale të autoritetit kombëtar të ushqimit në Lezhë. Drejtori i këtij institucioni, Pal Nika, ka bërë të ditur se ka patur neglizhenca nga subjektet tregtare, por që janë përballur me ndëshkime.<br /> <br />Nika ka shtuar se kontrollet do të jenë të vazhdueshme, duke tërhequr vëmendjen e subjekteve tregtare dhe atyre të shërbimit, pasi në rast të kundërt do të përballen me penalitete.<br /> <br />Në prononcimin e tij, drejtori i Autoritetit Kombëtar të Ushqimit në Lezhë, Pal Nika, ka bërë të ditur se Shëngjini, Talja dhe Patoku janë në epiqendër të këtyre kontrolleve, por pa përjashtuar bizneset e prodhimit.<br /> <br />Nika ka bërë të ditur për pushuesit se siguria e produkteve dhe ushqimeve është e garantuar, ndërsa ka apeluar ndaj tyre që të denoncojnë çdo konstatim nga ana e tyre.
