BAGDAD- Të paktën 55 persona kanë mbetur të vdekur nga një valë shpërthimesh me makina bombë në jug të Irakut.<br /> <br />Policia dhe burimet mjekësore thanë se sulmet, të cilat ishin të koordinuara, ishin të përqendruara në disa qytete përfshirë kryeqytetin e Bagdadit ku jetojnë shumica Shiite.<br /> <br />"Të paktën 10 persona u vranë kur dy makina bombë shpërthyen njëra pas tjetrës pranë një stacioni të autobusëve në qytetin Kut, 150 km në juglindje të kryeqytetit", tha policia.<br /> <br />Sulme të tilla me makina bombë në vende publike nënvizojnë përkeqësimin e sigurisë në Irak, ku rreth 4,000 njerëz janë vrarë që nga fillimi i vitit, sipas monitorimit të dhunës nga grupi Body Count në Irak.<br /> <br />Vetëm në muajin korrik janë shënuar 810 viktima dhe dhjetëra të lënduar nga sulmet militante.<br /> <br />Dhuna ka ngritur frikën e një rikthimi të plotë të konfliktit në një vend ku kurdët, shumica Shiite dhe pakica sunite nuk kanë gjetur ende një rrugë të qëndrueshme të ndarjes së pushtetit.<br /> <br />Tensionet sektare në të gjithë rajonin janë nxitur edhe nga lufta civile në Sirinë fqinje, që ka tërhequr shiitët dhe sunitët nga Iraku.<br /> <br />Më shumë se një dekadë pas ndërhyrjes ushtarake amerikane në Irak, siguria mbetet e brishtë ku qindra njerëz vdesin pothuajse çdo muaj.
