TAJLANDE- Derdhja e madhe e naftës, rrjedhur nga një tubacion ka arritur në brigjet bregdetare të një ishulli turistik në pjesën lindore të Tajlandës përkundër përpjekjeve të vazhdueshme për të pastruar atë gjatë fundjavës, thanë zyrtarët.<br /> <br />Rreth 50 ton lëndë e papërpunuar, ra në detin e provincës Rayong gjatë fundjavës, pas një rrjedhje nga e çara në një tubacion që operohet nga një kompani shtetërore e naftës dhe e gazit.<br /> <br />Derdhja e naftës ka prishur bregun e gjirit të Praos në ishullin Samet, një nga destinacionet e plazhit më të popullarizuara dhe më të preferuara nga turistët e huaj në Tajlandë.<br /> <br />Një zyrtar vendas tha se autoritetet kanë mbyllur gjirin, pasi 300 punëtorë janë duke punuar për të pastruar naftën nga ujërat dhe rëra e bardhë e plazhit.<br /> <br />Turistët janë paralajmëruar të mos shkojnë në afërsi të zonës së fatkeqësisë.
