VLORE- Tre persona të shpallur në kërkim ndërkombëtar janë arrestuar nga Interpol Athina e Tirana, në bashkëpunim me Drejtorinë e Policisë së Vlorës. Kjo e fundit njoftoi, se është arrestuar në Greqi, Apostol Buçaj, 42 vjeç, i dënuar me 25 vjet burg për vrasjen e Foto Mërtirit në vitin 1994 dhe u dënua në mungesë në vitin 2008.<br /> <br />Po ashtu, nga Interpol Athina u vu në pranga edhe i kërkuari tjetër Thoma Canaj, 45 vjeç, masi në korrik të vitit 2002 ka vrarë me armë Arjan Dyrmishin dhe plagosi Rei Skëndajn.<br /> <br />Gjithashtu, sipas policisë së Vlorës, u arrestua edhe 54-vjeçari Hariz Murataj, pasi gjykata e Vlorës e ka dënuar me 6 vjet e gjashtë muaj burg për trafik narkotikësh.<br /> <br />Ndërkohë në Vlorë janë vënë në pranga dhe dy persona të tjerë, Dritan Alushi për dhunë ndaj një femre me të cilën bashkëjetonte, si dhe 14-vjeçari K.A., pasi në banesën e tij u gjetën 350 gramë hashash.<br /> <br />Dy persona të tjerë janë arrestuar në Sarandë dhe konkretisht Ardit Qoku 25 vjeç dhe Drini Kroj, 34 vjeç, respektivisht për vjedhje e shpërndarje lëndësh narkotike.<br /> <br />Policia e Vlorës njoftoi gjithashtu, se mbi bazën e hetimeve disamujore nën drejtimin e Prokurorisë, është bëre sekuestro preventive e truallit prej 20.039 m katror, e cila ndodhet në zonën e "Plazhit të Vjetër" të qytetit të Vlorës, vlera e të cilë shkon në rreth 1 milion euro.
