Gadishulli i Karaburunit është ajo pjesë e bregdetit të Vlorës, ku turizmi mund të gjejë terrenin më të përshtatshëm për t'u zhvilluar. <br /><br />Gati 25 km larg qytetit të Vlorës, në rrugë tokësore, Gadishulli i Karaburunit ofron surpriza në çdo stinë, për këdo që e viziton atë. <br /><br />Agjencitë turistike aplikojnë jo vetëm udhëtime përgjatë këtij masivi, por edhe pushime njëditore, në plazhet që ndodhen aty. <br /><br />Udhëtime të tilla organizohen kryesisht gjatë stinës së verës, ndërsa synohet që ato të shtrihen gjatë gjithë vitit. <br /><br />Pas skadimit të moratoriumit të skafeve, gjithnjë e më tepër destinacioni i vizitorëve mbetet Karaburuni me plazhet e tij të virgjëra dhe natyrën e egër, por kurative dhe qetësuese. <br /><br />Në Karaburun mund të shkohet në dy rrugë, atë tokësore që fillon nga Orikumi dhe përshkon mespërmes bazën e Pashalimanit, sot bazë ushatarake e NATO-s, dhe që të duhet leje e posaçme nga flota detare ose ministria e Mbrojtjes, ose të nisesh me skaf ose gomone nga bregu i Vlorës dhe për disa minuta gjendesh në Karaburun.<br /><br />Karaburuni vazhdon të mbetet një ndër plazhet më të bukura që jo të gjithë e dinë dhe kanë mundësi ta vizitojnë. <br /><br />Resurset natyrore, plazhi i pastër dhe qetësia, uji i kristaltë dhe gatimet tradicionale, të bëjnë që të rikthehesh aty sa herë të kesh mundësi.
