Kryeministri grek Andonis Samaras ka injoruar interesimin e mediave maqedonase pas takimit të mbrëmshëm në Nju Jork me sekretarin e përgjithshën të OKB-së, Ban Kim ku ishte i pranishëm edhe ndërmjetësi për çështjen e emrit, Metju Nimic. Kryeministri grek është përgjigjur vetëm në pyetjet e mediave greke duke thënë se në këtë takim është biseduar për çështjet globale dhe ato në interes të Greqisë. Në momentin kur një gazetar maqedon e pyeti mbi përkushtimin e tij për zgjidhjen e kontestit për emrin, Samaras lëshoi ndërtesën e Kombeve të Bashkuara pa thënë as edhe një fjalë.<br /><br />Ndryshe, nga ky takim nuk janë dhënë detaje as nga kreu i OKB-së e as nga ndërmjetësi Nimic edhe pse jozyrtarisht bëhet e ditur se kryeministri grek të jetë njoftuar me propozimin e tij të muajit prill. Sipas burimeve të diplomatike nuk përjashtohet mundësia për një raund të ri bisedimesh në muajin shtator. Lidhur me këtë është prononcuar zëvendës-ndihmës sekretarit shtetëror amerikan Filip Riker duke shprehur besimin se bisedimet mes dy vendeve mund të vazhdojnë në vjeshtë. Në pyetjen se cila është porosia e SHBA-së deri tek Samaras gjatë vizitës së tij në Uashington, Riker u përgjigj.<br /><br />" Porosia deri te Samaras është e njëjtë si edhe porosia deri tek Gruevski, kur ai ishte në Uashington, shpresojmë se dy palët do të gjejnë rrugën të ecin para, duke i shfrytëzuar shërbimet e mira të ndërmjetësit Nimic. Shpresoj që deri në fund të verës apo fillim të vjeshtës do të vazhdojmë me përpjekjet që të gjendet rrugë për të ecur para".<br /><br />Gjatë vizitës në SHBA, kryeministri grek u takua edhe me presidentin amerikan Barak Obama, por edhe pas këtij takimi nuk pati ndonjë prononcim nëse është biseduar për çështjen e emrit përveç deklaratës së presidentit Obama se Athina mund të luaj një rol të rëndësishëm për stabilizimin e rajonit ballkanit. Valmir Kuçi
