Gjatë vitit 2013 në sportelin e Migracionit në Elbasan janë paraqitur rreth 220 emigrantë të cilët kërkojnë informacion lidhur me kushtet e punësimin në vend. Krahasur me një vit më parë, ky numër është rritur me rreth 90 emigrantë më shumë, të cilët kanë shtuar rradhët e të papunëve në Elbasan. <br /><br />Papunësia në Elbasan është në shifra alarmante ku, 33% e popullsisë që ështe e aftë për punë nuk është e punësuar. <br /><br />Ndërkaq, sot Elbasani njihet edhe si kryeqyteti i papunësisë. Specialisti i Marrëdhënieve të Punës dhe të Migracionit, Bledar Disho, pohoi se, "numri i emigrantëve të kthyer në vend është më i madh se sa numri zyrtar që japim në. Shumë emigrantë nuk paraqiten pranë sportelit tonë sepse nuk kanë dijeni se çfarë shërbimesh ne iu ofrojmë emigrantëve të rikthyer". <br /><br />Kryesisht emigrantët janë orientuar në fushat ku ata kanë qenë të punësur në vendet ku kanë emigruar. <br /><br />Sipas specialistit Disho, emigrantët kërkojnë të punësohen në sektorin e ndëtimit, kryesisht si: pllaka-shtrues, murator, bojaxhi, etj. <br /><br />Disho u bëri thirrje të gjithë emigrantëve të kthyer në atdhe të marrin informacionin që kërkojnë në sportelin e migracionit.
