Dy aksidente kanë ndodhur pasditen e të mërkurës në Sarandë, duke shkaktuar tre të plagosur rëndë. I pari ka ndodhur rreth orës 16:00 në det, kur një 30-vjeçar që shëtiste me një motor uji, është përplasur me një shkëmb. Si pasojë, është plagosur rëndë Gamend Allaçi nga Lazarati, i cili gjendej të jug të vendit për pushime. <br /><br />Pas ndihmës së parë në spitalin e Sarandës, ai është transmetuar në Spitalin Ushtarak në Tiranë, për të marrë ndihmë më të specializuar.<br /><br />Ndërkohë, rreth një orë më vonë, po në Sarandë, dy persona të një familje që udhëtonin me një makinë nga Ksamili drejt Sarandës, afër Butrintit, janë aksidentuar rëndë. <br /><br />Makina ka dalë nga rruga, si pasojë e shpejtësisë, ndërsa kanë mbetur të plagosur Katerina Xhakodri, 21 vjeç, e cila drejtonte mjetin dhe Aleksandër Xhakodri, 34 vjeç, të dy nga Tirana. <br /><br />Edhe ata janë transportuar me helikopter drejt Spitalit Ushtarak, ndërsa mësohet se 34-vjeçari është në gjendje të rëndë.
