TIRANE- Kontrolli i Lartë i Shtetit i kërkon Kuvendit të ndërhyjë për të disiplinuar financiarisht Bankën Qendrore, teksa e akuzon këtë të fundit për shpenzime të larta dhe abuzime me paratë publike.<br /> <br />Një raport konfidencial që mban firmën e kreut të këtij institucioni Bujar Leskaj, konstaton se pagat dhe shpërblimet për drejtuesit e Bankës së Shqipërisë, Këshillit Mbikëqyrës, por edhe punonjësve të thjeshtë, janë në nivele shumë të larta, të pakrahasueshme me asnjë institucion tjetër kushtetues.<br /> <br />Ndër të tjera, në raport theksohet se shpenzimet e Bankës Qëndrore janë jashtë realitetit shqiptar.<br /> <br />Sipas tij nivelet e dietave ditore për Guvernatorin, dhe antarët e Këshillit Mbikëqyrës janë sa dyfishi i dietave që përfiton kryeministri dhe 60 euro në ditë më shumë se ajo e presidentit të Republikës.<br /> <br />Dieta e Presidentit të Republikës është barabartë me ato të drejtorëvë të departamentit të BSH, ndërsa në shumicën e rasteve mungojnë edhe dokumentet që vërtetojnë kohëzgjatjen e qëndrimit dhe shpezimet e kryera.<br /> <br />Ndërkohë kreu i KLSH-së, zoti Leskaj, jep një sërë rekomandimesh urgjente për disiplinimin financiar të Bankës Qendrore, ku fillimisht i kërkon Kuvendit të ndryshojë ligjin dhe më pas t'i heqë Bankës të drejtën që ta kontraktojë vetë kompaninë që bën auditin për ta marrë vetë atë.<br /> <br />Pavarësisht vitit të vështirë ekonomik që kaloi vendi, sipas raportit rezulton se shpenzimet e Bankës Qëndrore janë rritur me 30% duke shkuar ne 14 milionë dollarë.<br /> <br />Prej kohësh media dhe opozita kanë denoncuar shpenzimet e larta të këtij institucioni, ndërsa guvernatori Fullani i ka cilësuar ato si investime në burimet njerëzore.
