Lazarati nuk ndalet në përpunimin e parcelave me kanabis, pavarësisht se forca policore lokale dhe Forcat e Ndërhyrjes së Shpejtë janë vendosur gati 1 km larg hyrjes së Lazaratit dhe ushtron kontrolle.<br /><br />Në fshat mbizotëron gjelbërimi nga plantacionet e mbjella me kanabis Sativa, ndërsa punëtorët vazhdojnë të shkojnë me furgonë, dhe kamionët me bote me ujë hyjnë lirshëm në Lazarat. Policia duket e paaftë për të mbajtur nën kontroll lëvizjet në fshatin e konsideruar vatra kryesore e kultivimit të bimës narkotike.<br /><br />Nga pamjet e transmetuara nga A1 Report duket qartë se furgonët i janë rikthyer sërisht linjës Gjirokastër Lazarat, pavarësisht postblloqeve të ngritura nga policia.<br /><br />A1 Report publikon pamje ku një furgon i bardhë duket se mbushet me shpejtësi me punëtorë dhe niset drejt Lazaratit, pa asnjë pengesë. <br /><br />Fill pas mbushjes së furgonëve me mëditës në Gjirokastër dhe hyrjes për në fshat policia instalon postbllok policor në afërsi të hyrjes në Lazarat.<br /><br />Furgoni i bardhë, shërben përditë për të tërhequr mëditësit në Gjirokastër duke i çuar në Lazarat.<br /><br />POSTBLLOK POLICOR ATY KU U NIS FURGONI ME PUNETORE<br />Furgonat për në Lazarat, nuk qëndrojnë më në qytet, por kanë ndërruar destinacion duke ndaluar në stacione të ndryshme.<br /><br />Sot furgoni ka qenë në të njëjtin vend ku një ditë më parë, ishte instaluar postblloku policor.<br /><br />Pasi ka kaluar furgoni me mëditës në drejtim të Lazaratit, ka "mbirë" postblloku policor në aksin Gjirokastër-Kakavije në pjesën ekstreme jugore të fshatit duke qenë më afër se dje gati 1 km. Forcat speciale, sërish kanë qenë pjesë e postbllokut policor së bashku me uniformat blu të Gjirokastrës. Sërish ato kanë kryer kontrolle rastësore tek automjetet që qarkullonin në këtë aks.<br /><br />KAMIONET ME UJE SERISH HYJNE NE LAZARAT<br />Ndërkohë që 1 km më tej, është ngritur një tjetër linjë e furnizimit me ujë të boteve që hyjnë lirshëm edhe gjatë ditës së sotme në fshat.
