Moçal në mes të lagjes, ajër i ndotur e kultura të shkatërruar bujqësore. Kështu duket një pjesë e lagjes Drenoc të Tetovës, e cila tani një kohë është e vërshuar nga ujërat e zeza të kanalizimit që rrjedh nëpër fushat e mbjella me prodhime bujqësore. E tillë është shtëpia e banorit Veli Fejzulit nga kjo lagje. Ai thotë se, shtëpisë së tij i kalon nga të katër anët ky ujë me erë të keqe që kundërmon duke rrezikuar përhapjen e ndonjë sëmundjeje infektuese.<br /><br />"Ka pesë muaj që fle uji këtu shkaku i bllokimit të gypit, ndërsa sakti tjetër është që në vit të ri. Erdhi mauna nuk bëri gjë se ka ujë, u tha uji i lajmërova sërish nuk erdhën. Nuk mundesh as të ulesh në oborr as dritaren ta hapësh, mban erë të keqe nuk rrihet as natën e as ditën. Të mbjellave ju bën dëm shumë do i shohësh vetë, speca domate që i mbolla për në dimër mi ka prish krejt. Kemi frikë nga sëmundja verë është nxehtë, fëmijët s'mundemi ti lëshojmë jashtë se problem uji bën", tha Veli Fejzuli, banor.<br /><br /> "Dëm kemi na i ka prish t`mbjellat uji rri aty çdoherë, ka gjashtë deri në tetë muaj që rri ashtu pesë sakte të hapura janë. Mushkonjat s`ma lënë rehat i pickojnë edhe fëmijët dhe mundë të marrim ndonjë sëmundje në këtë temperaturë mbi 40 gradë Celsius. fëmijët s`mundë të dalin aspak i nxjerrim lartë atje apo në qytet nuk mund ti lëshojmë këtu nga era e keqe natë e ditë që vjen", deklaroi Selam Fejzuli, banor i lagjes.<br /><br /> Banorët thotë se rastin e kanë paraqitur disa herë në ndërmarrje publike, por deri më tani nuk është gjetur zgjidhje për këtë problem shqetësues.<br /><br /> "Te ndërmarrja e kam paraqit, do vijmë sot do vijmë nesër erdhën një herë e liruan po u zu sërish dhe nuk erdhën më", u shpreh Veli Fejzuli, banor.<br /><br /> "Erdhën nga Ndërmarrja publike i hapën kapakët dhe në fund të arrës kanë bë një pishinë me këtë ujë", tha Selam Fejzuli, banor.<br /><br /> Nga Ndërmarrja Publike Komunale thonë se kanë intervenuar disa herë për pastrimin e kanalizimit, por problemi vështirë të ketë zgjidhje të plotë pa rikonstruksionin e plotë të rrjetit nëntokësor. Bashkim Sulejmani
