TIRANE- Qendra Kombëtare e Traumës, si vetë emri, është një traumë, për ata të cilët shkojnë aty. I njohur me emrin Spitali Ushtarak, urgjenca nuk ka as medikamentet më të zakonshme e më të domosdoshme për pacientët, të cilët shkojnë aty me dëmtime nga më të rëndat. Spitalit, i cili ka në fokusin e tij urgjencat më tmerrshme, me dhjetra çdo ditë, si thyerje, krisje, çarje, plagosje me armë zjarri apo të ftohta e deri tek aksidentet me makinë, i mungojnë fashot, allçia, vaksina kundër tetanozit, madje edhe kartoteri.<br /><br /> Në shumë raste mungon gjaku, edhe pse Spitali i Traumës është vendi ku shkojnë të sëmurët në gjëndjen më të rëndë të mundshme, të thyer e coptuar. Ajo që u ofrohet të sëmurëve, është futja në sallën e operacionit. Grafitë, fashot e deri tek shiringat duhen blerë vetë nga pacientët.<br /><br />Kamera e televizioni A1 Report vëzhgoi nga afër punën gjatë një dite. Mjekët dhe infermierët përpiqen të bëjnë të pamundurën por... vetëm me bisturi. <br /><br />Spitali ku ata punojnë nuk furnizohet prej shumë vitesh me disa prej mjeteve më elementare për t'ju shërbyer pacientëve. Në këto kushte, mjekët u kërkojnë të afërmve të pacientëve që t'u drejtohen farmacive.<br /><br />Ndërsa pak metra më larg, në atë që quhet reparti i gipsit, allçia dhe fashot nuk mungojnë. Kjo, pasi ajo pjesë varet nga QSUT-ja dhe jo nga Qendra e Traumës.<br />Ndërsa në repartin e allçisë pranë urgjencës së Traumës, specialisti nuk e pranon që ka allçi dhe fasho.<br /><br />Situata alarmante pranohet dhe vetë nga punonjësit e Qendrës së Traumës, të cilët thonë, se ky nuk është problem i ri, por ekziston prej shumë vitesh. <br /><br />Në lidhje me këtë situatë, tentuam të kontaktojmë drejtoheshëm e Qendrës së Traumës, Lida Shoshi. Dera e zyrës së saj ishte e mbyllur ndërsa në telefon nuk përgjigjej. Pas një prezantimi me sms, se kush po e telefononte, përgjigjia nga numri 068... dhe që mbaron me shifrat 6 0 ishte:<br />" Çfarë kërkoni ju lutem se nuk ju njoh e nuk ndodhem në Shqipëri."<br /><br />Kërkesës për një përgjigje, se përse Qendra e Traumës ndodhet në këtë gjëndje, nuk i erdhi asnjë sms apo thirrje telefonike mbrapsht, megjithëse burime pranë Spitalit të Traumës sqaruan, se Shoshi është parë dje edhe në mesditë, në ambientet e urgjencës.<br /><br />Sikurë të mos mjaftonin këto, një pagesë e pakuptimtë prej 2500 lekësh ndodhi në hyrjen kryesore të spitalit. Megjithëse ndoshta jo ryshfet, pasi u bë në praninë e të gjithëve e palët flisnin me zë të lartë, një i ri, i cili kishte të afërmin e tij të shtruar, i dha një infermiereje, e cila mbante një dokument në dorë, për arsye të pashpjegueshme.<br /><br /> Alarmi i Qendrës së Traumës u dha të djelën nga ish-Ministri i Shëndetësisë, njëkohësisht zëvendëskryetar i LSI-së, Petrit Vasili. Sipas tij, mbingarkesa dhe mungesa e pajisjeve mjekësore, rrezikojnë përditë jetë njerëzish.
