GJIROKASTER - Vendosja e marrëdhënieve reciproke në pikën kufitare të Kakavijes ka bërë që pala greke të tërhiqet nga kërkesat e saj dhe t'i japë fund bllokimit të emigrantëvë shqiptarëve në kufi.<br /> <br />Pas bllokimit të emigrantëvë shqiptarë në këtë pikë kufitare me pretekstin e garancisë financiare, apo emrin e personit pritës në vendin fqinj, me vendim të Drejtorit të Policisë Kufitare në Kakavijë, Admir Abrija, u vendos që e njëjta masë të merret edhe për shtetasit grekë që hyjnë në vëndin tonë.<br /> <br />Ky vendim çoi në tensionimin e situatës në këtë pikë kufitare, teksa rreth 20 shtetas grekë u kthyen pasi nuk kishin tarifën monetare prej 50 eurosh në ditë, për ditët që do kalojnë në vendin tone.<br /> <br />Menjëherë pas situatës së krijuar në pikën kufitare të Kakavijës nga pala greke jepet urdhri për të lejuar të gjithë emigrantët shqiptarë që plotësonin kriterin financiar.<br /> <br />Mësohet se vendimi është marrë me kërkesë të trupës diplomatike të shtetit grek në vendin tonë, e cila i ka kërkuar ministrisë së Jashtme greke të lejojë qytetarët shqiptarë të kalojnë pa probleme drejt shtetit fqinj.
