Kryeministri Edi Rama ka mbledhur sot për herë të parë kabinetin e ri qeveritar pikërisht në Vlorë, aty ku u zgjodh deputet. Pas një kafeje me ministrat e rinj, mbledhja ka zgjatur nga ora 15:00-18:30. Ka rifilluar në orën 19:00 të mbrëmjes. Mbledhja me dyer të mbyllura nuk ka pasur asnjë prononcim.<br />Mbledhja është zhvilluar mesditën e sotme në një nga hotelet e qytetit bregdetar, mbledhja me dyer të mbyllura e Kryeministrit të ardhshëm dhe ministrave të PS-LSI në ditën e parë ka zgjatur 3 orë e gjysmë, ndërsa do të vijojë edhe nesër.<br /><br />"Reforma rrenjesore, shpirt skuadre, qytetari europiane ne komunikim. Kurajo integritet transparence", ka komentuar vetë Rama në Facebook në lidhje me qëllimet e mbledhjes simbolike, pasi de juro është e pamundur të merren vendime deri në shtator. <br /> <br />Siç raportoi nga Vlora gazetarja e "A1 Report", Jetona Koçibelli dera e hotelit qëndronte gjatë gjithë kohës e mbyllur, përveç ndonjë roje të sigurisë që e bënte edhe më hermetike këtë mbledhje.
