ITALI - Cremona, qyteti i lindjes së Stradivarit, në Itali, do të hapë muzeun e ri të violinës, që do të inaugurohet më 14 shtator të këtij viti. <br />Qyteti në veri të Italisë, në të cilin punonte Antonio Stradivari do të hapë një muze të ri, në nder të instrumentit të violinës të punuar prej tij. <br />Muzeu i Violinës, do të hapet më 14 shtator të këtij viti, ku vizitorët do të kenë mundësi të admirojnë krijimet e këtij instrumenti dhe punimet e tij në mënyrë artizanale. <br />Violinat do të jenë të ekspozuara në vitrina të sigurta dhe do të mund të dëgjohet edhe tingulli i tyre. <br />Violinisti Antonio De Lorenzi, riprodhimin e një violine 300 vjeçare të Stradivarit e krahasoi me rëndësinë e një afresku të pikturuar, apo me një pikturë shumëngjyrëshe.<br />Instrumentet e krijuara nga dora e Stradivarit, janë famozë, për tingullin vibrant, të ëmbël dhe harmoniozë. <br />Për të krijuar instrumentë të tillë, janë munduar edhe shumë të tjerë, por pa sukses, duke bërë që Stradivari të jetë i vetmi, i cili ka arritur të krijojë instrumentë që lëshojnë tinguj të magjishëm.
