TIRANË - Mos denoncimi i ndërtimeve pa leje nga ana e strukturave të pushtetit vendor, ka bërë që Prokuroria e Përgjithshme të nisë hetimin ndaj tyre.<br /><br />Burime nga ky institucion kanë bërë me dije se, nga 200 ndërtime pa leje që janë denoncuar në prokuroritë e rretheve vetëm 10 për qind e tyre, ose e thënë ndryshe 20 ndërtime pa leje janë denoncuar nga ana e drejtuesve vendorë apo e punonjësve të urbanistikës.<br /><br />Duke qenë se ndërtimi pa leje është një vepër penale, kryeprokurori Adriatik Llalla, gjatë ditës së sotme do të shpëndajë një qarkore me 4 pika, për të gjithë vartësit e tij në Tiranë dhe rrethe që të vënë nën hetim drejtuesit e pushtetit vendor që nuk kanë denoncuar këtë fenomen.<br /><br />"Të analizojnë me përparësi edhe procedimet penale që kanë regjistruar për veprtën penale të "ndërtimit të paligjshëm", të parashikuar nga neni 199/a i Kodit Penal, si dhe fazën në të cilën ndodhen aktualisht këto procedime", - mësohet se shkruhet në qarkoren që do të shpërndahet gjatë ditës së sotme.<br /><br />Gazetari i A1 Report, Arsen Rusta raporton nga Prokuroria e Përgjithshme se, në pikën e dytë të qarkores, kryeprokurori Lalla, kërkon që, "krahas veprave penale kërkon që prokurorët të mos dalin nga fokusi i tyre i punës, por në rastin e denoncimeve për ndërtimet pa leje".<br /><br />Llalla thekson edhe faktin se, prokurorët nga sot e ditët në vazhdim kanë dorë të lirë për të gjithë personat që nisin të ndërtojnë pa leje edhe për personat që abuzojnë me territorin.<br /><br />Zonat më problematike të këtyre ndërtimeve pa leje, janë bregdeti i Vlorës, Sarandës, Durrësit, Shkodrës, etj. Këtu do të përqendrohet më së shumti edhe puna e prokurorisë.<br /><br />Pikërisht për këtë arsye është kërkuar edhe bashkëpunimi me Policinë e Shtetit, për të bërë hetime të plota ndaj drejtuesve të enteve urbanistike që nuk kanë denoncuar fenomenet të tilla.
