TIRANË -- Ambasadorët e huaj të akredituar në Tiranë kanë shprehur sot vlerësimet e tyre për hapjen e punimeve të Kuvendit të ri të Shqipërisë, pjesëmarrësit në të, angazhimet dhe prioritet e tij.<br /> <br />Ambasadori i BE-së, Ettore Sequi,ai i OSBE-së, Robert Wilton dhe Ambasadori i SHBA-së, Alexandër Arvizu e kanë ndjekur seancën e parë direkt nga salla dhe në përfundim kanë dhënë opinionin e tyre duke e vënë theksin kryesisht tek domosdoshmëria e angazhimit të parlamentit shqiptar për integrimin e Shqipërisë në Bashkimin Europian.<br /> <br />AMBASADORI I BE: KY PARLAMENT NIS ME INTEGRIMIN SI PRIORITET<br /> <br />I pyetur nga media për përshtypjet rreth seancës së sotme, Ambasadori Sequi e konsideroi këtë ditë "si shumë të rëndësishme për Shqipërinë, pasi ky parlament dillon me një frytë të qartë e të pastër, me një prioritet të rëndësishëm siç është integriteti në Evropë."<br /> <br />AMBASADORI I OSBE: DEMOKRACIA KËRKON PËRKUSHTIM KONSTRUKTIV<br /> <br />Edhe ambasadori i OSBE-së, Robert Wilton, u shpreh: "I uroj punë të mbarë të gjithë anëtarëve të Kuvendit. Demokracia kërkon përkushtim nga çdo anë, edhe nga opozita, pra, duhet të jesh konstruktiv, pozitiv,"- nënvizoi ai në gjuhën shqipe.<br /> <br />ARVIZU: PRESIM ANGAZHIM PËR AXHENDËN EUROPIANE TË VENDIT<br /> <br />Më pas, u prononcua Ambasadori Arvizu nga ana e tij tha: "Është shumë emocionuese që ndodhem këtu sot. Edhe njëherë dua të shpreh përgëzimet e mia në emër të SHBA-së për të 140 deputetët e parlamentetit të ri.<br /> <br />Nuk e mbaj mend saktësisht, por rreth 40% e tyre janë të rinj; rreth 40% po rikthehen.<br /> <br />Po ashtu, jam shumë i kënaqur me numrin e grave që janë zgjedhur deputete dhe të atyre që do shërbejnë në qeveri.<br /> <br />Kjo është një ditë për t'u festuar për të gjithë popullin shqiptar, po përpara ka shumë punë për të bërë.<br /> <br />Sytë do ngulen tek Qeveria, por edhe tek zhvillimet këtu në parlament. Presim me kënaqësi angazhimin e deputeteve për axhendën evropiane të vendit dhe përsa i përket SHBA-së, jemi shumë të kënaqur që kemi marrëdhënie shkëlqyera si me mazhorancësn e re dhe me opozitën,"- përfundoi ai.
