Rusia punon në një plan të qartë dhe konkret, që ndërkombëtarët të marrin nën kontroll armët kimike të Sirisë. Këtë sot e bëri të ditur, shefi i diplomacisë ruse, Sergej Lavrov dhe shtoi se detaje rreth këtij plani po përpunohen në Damask.<br /><br />"Presim që së shpejti ta shpallim planin, pas çka do jemi të gatshëm në bashkëpunim me OKB-në, Organizatën për ndalim të armatimit kimik dhe me anëtaret e Këshillit të Sigurimit t'i harmonizojmë qëndrimet dhe detajet për zbatimin e tij", tha Sergej Lavrov, ministër i jashtëm i Rusisë.<br /><br />Presidenti amerikan me vëmendje e pranoi propozimin e Rusisë për kontroll të armatimit kimik të Sirisë, ndërsa kryetari i Kongresit amerikan e tërhoqi nga votimi rezolutën për sulm ndaj Sirisë, e miratuar në Komisionin e Senatit.<br /><br />"Nëse arrihet deri tek një formulë e cila bashkësisë ndërkombëtare do i japë mundësi dhe mekanizëm të kontrollohet armatimi kimik i Sirisë, atëherë unë pajtohem me këtë. Por, para së gjithash, duhet të shikohen detajet", u shpreh Barak Obama, president i SHBA-ve.<br /><br />"E mbështesim propozimin e Rusisë. Plani kontribuon në arritjen e paqes dhe stabilitetit në Siri. Kina gjithmonë ka përsëritur se zgjidhja e vetme e konfliktit sirian është dialogu politik", theksoi Hong Lei, zëdhënës i ministrisë së jashtme të Kinës.<br /><br />Propozimi kryesisht është i pranueshëm edhe për Francën, por Parisi zyrtar paralajmëroi se do propozojë rezolutë deri tek Këshilli i Sigurimit me disa kushte plotësuese për autoritetet siriane.<br /><br />"E para, obligimin për shkatërrimin e arsenalit duhet ta marrin sirianët, e jo vetëm rusët. E dyta, propozimi duhet të jetë obligues dhe nëse nuk zbatohet, të pasojnë sanksione. E treta, për masakrën me armë kimike, dikush duhet të përgjigjet para gjykatës ndërkombëtare", u shpreh Loren Fabius, ministër i jashtëm i Francës.<br /><br />Në ndërkohë, opozita siriane e dënoi propozimin rus dhe kërkuan përgjigje të ashpër për sulmin me armë kimike që u krye më 21 gusht. Retorike luftarake e SHBA-së u zbut pas deklaratës së sekretarit amerikan të shtetit, Xhon Kery se presidenti sirian mund ta zgjidhë krizën nëse për një javë tërë armatimin kimik ia dorëzon bashkësisë ndërkombëtare. Deklarata e tillë menjëherë nxiti iniciativë në Moskë. Ministri i jashtëm rus, Sergej Lavrov, ministrit të jashtëm sirian Valid Mualim, i propozoi që rezervat e saj me armë kimike, Siria t'i vendosë nën mbikëqyrje ndërkombëtare. Mualim menjëherë u përgjigj se Siria e përshëndetë propozimin rus. Petar Blalzhevski
