Tre ditë pas vrasjes së 27 vjecarit Festim Lemja në fshatin Radë të Shijakut, policia e Durrësit ka vënë në pranga dy persona të dyshuar si autorë të krimit, ndërsa një tjetër u shpall në kërkim. Ngjarja u shënua mbrëmjen e 8 shtatorit mes dy grupe të rinjësh, pas një sheri për femra. <br />Burime nga policia e Durrësit, kanë bërë të ditur se, të arrestuar janë Alfred Gjoka, 31 vjeç dhe Baki Huqi, 43 vjeç, i dënuar më parë. Gjithashtu policia ka bërë shpalljen në kërkim të 33-vjeçarit, Erian Muharremi, nga Durresi. <br />Sipas policisë, këto tre persona janë bashkautorë të dyshuar në vrasjen e 27-vjeçarit Festim Lemja, banor i fshatit Hamallaj, përballë një diskoteke në fshatin Radë në Shijak. Viktima mori disa plumba në kokë dhe trup, ndërsa ndërroi jetë gjatë rrugës për në spital. <br />Policia ka sekuestruar edhe një armë zjarri, automatic model 56, ndërsa vijon puna për kapjen e autorit të tretë të dyshuar.
