Vetëm një orë para seancës parlamentare, ku do të debatohet programi i qeverisë "Rama", ambasadori i BE-së zhvilloi një takim me kryetarin e Parlamentit, Ilir Meta ku shprehu besimin se ky i fundit do të ndihmojë në arritjen e një bashkëpunimi maxhorancë opozitë me qëllim arritjen e objektivit, Integrimi në BE.<br /><br />Pas takimit me Ilir Metën që u zhvillua në kryesinë e Kuvendit, Sequi tha se të hënën në Bruksel, ku do të jetë edhe vetë kryeministri Edi Rama, do të dërgonte "ndjesitë shumë pozitive"<br /><br />"Brukseli do të shikojë një parlament me një forcë shumice konstruktive por dhe opozitë konstruktive dhe të fortë "- nënvizoi më tej ambasadori i BE-së Ettore Sequi.<br /><br />Nga ana e tij Kryetari i Parlamentit Ilir Meta e siguroi se do të punojë për të krijuar një klimë bashkëpumimi mes forcave politike për të arritur sa më shpejt objektivin e integrimit në BE.<br /><br /> "Ishte një takim konstruktiv dhe shumë i përzemërt. Jam plotësisht dakord me atë çfarë tha zoti Ilir Meta. E urova për zgjedhjen e tij në postin e kreut të Parlamentit dhe për angazhimet pozitive në rrugën drejt BE-së. Të hënën do të jem në Bruksel dhe do të jetë një kënaqësi të transmetoj ndjesitë që janë shumë pozitive.
