Bashkia e Kamzës tenton të mbyllë stadiumin e vetëm të qytetit, për shkak të mosmarrëveshjeve me ortakët e ekipit të futbollit të Kamzës, ndërsa tifozët i përgjigjen me forcë këtij vendimi.<br /><br />Kjo ka ndhodur sot pasi kryetari i Bashkisë së Kamzës, Xhelal Mziu prej javësh nuk lejon përdorimin e stadiumit për t'u luajtur ndeshja Kamza-Ada, e vlefshme për kategorinë e parë, ndeshje që është parashikuar të luhet në orën 16:00<br /><br />Tifozët e Kamzës protestojnë kundër këtij vendimi. Gazetari Arsen Rusta informon se në orën 14:20 minuta situata është tensionuar, kur nga konfrontimet fizike mes tifozëve dhe policëve, është lënduar një punonjës i policisë bashkiake, janë thyer xhama të policisë.<br /><br />Edhe pse hyrja në stadium ishte bllokuar nga policë të policisë bashkiake në Kamzë, tifozët kanë arritur të hyjnë me forcë në stadium për të parë ndeshjen Kamza-Ada.<br /><br />Ndërkohë rreth orës 15:30 situata paraqitet krejt e qetë.
