Procedura e miratimit të buxhetit ishte në fokusin e punës së sotme të grupit të punës për zbatimin e rekomandimeve të dala nga Komisioni Hetimor i ngjarjeve të 24 dhjetorit. Mësohet se qëndrimet mes palëve në grup, janë afruar afërsisht në 90 %. Ndërkohë, për LSDM-në opozitare, krahas buxhetit, prioritet mbetet edhe rishikimin e ligjeve të miratuara me procedurë të shkurtuar si dhe përkufizimi i debateve. Nexhati Jakupi, anëtar i grupit nga radhët e BDI-së, shprehet optimist se më 1 tetor, buxheti do të hyjë në procedurë parlamentare. <br /><br />"Të tre grupet parlamentare të përfaqësuara në grupin e punës kemi punuar jashtëzakonisht në mënyrë intensive që të përafrojmë qëndrimet tona dhe pothuajse 90 për qind kemi përcaktua skeletin e procedurës për miratimin e buxhetit. Mendoj që nga dita e hënë do ta bëjmë rrumbullakimin formal se si do të duket miratimi i buxhetit prej këtij viti e andej", tha Nexhati jakupi, deputet i BDI-së. <br /><br />Sipas Jakupit, megjithë propozimet e subjekteve politike, përkufizimi i debatit gjatë punës së komisioneve nuk do të ndryshojë. Një gjë e tillë, sipas tij, mund të miratohet vetëm me konsensus të plotë nga të gjitha subjektet politike. Kështu, nuk ka asnjë shans që ligji për 'branitellat' të zhbllokohet. <br /><br />"Ne që në fillim kemi qenë në qëndrimin se promovojmë tolerancë maksimale në debatin nëpër komisione. Me çështjen e përkufizimit në ditë, me mos pranimin nga ana jonë, defakto ne mbërrijmë këtë ligj dhe çdo ligj tjetër që do të kishte rrënuar marrëdhëniet ndëretnike", deklaroi Nexhati jakupi, deputet i BDI-së.<br /><br />Grupi i punës bojkotohet nga PDSH-ja opozitare, e cila mbetet në qëndrimin se në Maqedoni ekzistojnë probleme më të mëdha për shqiptarët, veçanërisht mes tyre dhe komunitetit tjetër maqedonas. Bedri Rexhallari
