TIRANE- Furtunë në Komisariatin e Policisë së Qarkullimit Rrugor të Tiranës. 80% e efektivëve të këtij komisariati janë ndryshuar. Ndërkohë që sot janë rekrutuar 60 efektivë të rinj të cilët janë marrë nga komisariatet e Tiranës.<br /> <br />Ndryshimet u bënë të ditura gjatë një takimi që ministri i Brendshëm Saimir Tahiri dhe Drejtori i Përgjithshëm i Policisë së Shtetit, Hysni Burgaj zhvilluan sot rreth orës 14:00 në Komisariatin e Policisë Rrugore.<br /> <br />Ndryshimet kanë nisur që nga drejtuesit deri tek policët e thjeshtë të komisariatit të kësaj policie, e cila nga sot do të drejtohet nga Luan Shehu.<br /> <br />Efektivët e rinj morën udhëzime nga ministri Tahiraj dhe Burgaj për të bërë kujdes dhe të mos bëhen pre e korrupsionit, në një takim që u zhvillua me dyer të mbyllura.<br /> <br />Nga sot efektivët të cilët janë larguar nga Policia Rrugore janë në varësi të Ministrisë së Brendshme. Ndaj disave ka nisur dhe procedim penal.<br /> <br />Me urdhër të ministrit të Brendshëm Saimir Tahiri është kryer një hetim për efektivët e kësaj drejtorie, ku janë gjetur me shkelje plot 77 policë dhe 11 oficerë.<br /> <br />Sipas rezultatit të hetimeve në 28 raste uniformat rrugore të Tiranës kanë rezultuar me shkelje administrative e deri në shpërdorim detyre.<br /> <br />Gjithashtu në takimin me dyer të mbyllura me efektivët e rrugores ministri Tahiri ka urdhëruar edhe anulimin e tenderit për shërbim transporti karrotreci, dhe parking ruajtje automjetesh, pasi kontrata aktuale është gjetur me shkelje të shumta procedurale.
