DURRËS - Një arkitekt në Zyrën Urbanistike të Bashkisë së Durrësit është arrestuar sot nga policia për llogari të policisë italiane.<br /><br />Sipas policisë së drejtorisë së Durresit, 34 vjecari Adlei Likmetaj është dënuar në mungesë në Itali me 9 vjet e 4 muaj burg për trafik të lëndëve narkotike dhe ndaj tij autoritetet italiane kishin firmosur një urdhërarrest ndërkombëtar nga gjykata e Apelit në Ankona në Itali që më datë 18 shtator të vitit 2010. <br /><br />Menjëherë pas këtij arrestimi, ka reaguar edhe bashkia e Durrësit. Drejtoresha e zyrës së burimene njerëzore në bashki Drita Zeneli thotë se për marrjen e tij në punë 34 vjercari ka respektuar të gjitha kriteret që kishte vendosur bashkia, përfshirë këtu edhe dëshminë e penalitetet, në të cilën ai rezultonte person pa precedent penal.<br /><br />Arrestimi i tij është bërë mëngjesin e sotëm, 25 shtator në zyrën e bashkisë, ku Likmeta kishte shkuar normalisht për të nisur ditën e punës. Prania e forcave të shumta të policisë kanë ngjallur trembje dhe çudi tek punonjësit e bashkisë, ndërsa në momentin e arrestimit Likmeta nuk ka shfaqur rezistencë.
