Fjalimi i kryeministrit Nikolla Gruevski mbrëmë në Asamblenë e Përgjithshme të Kombeve të Bashkuara, gjegjësisht kërkesa e tij që OKB-të mos të qëndrojnë duarkryq dhe të ndërmarrin masa që Maqedonia të tejkalojë sa më shpejtë problemin me emrin që e ka me Greqinë nuk ishte asgjë tjetër përveç se një apel abstrakt që i ngjason një ulërime në shkretëtirë. Kështu shprehet ish Ministri i Jashtëm, Denko Maleski. Sipas tij, Maqedonia fillimisht duhet të marrë përkrahjen e fuqive të mëdha botërore e më pas të kërkojë ndihmë nga OKB-të.<br /><br />'Kishte një ndjenjë të dëshpërimit në fjalimin e kryeministrit Gruevski pasi OKB-ja nuk është Qeveri Botërore, ajo është vetëm një Forum më i madh demokratik në botë në të cilin mund të thuhen problemet e një shteti. Sipas kësaj, këto apele abstrakte të Gruevskit në fundin e fjalimit të tij në OKB, që ata të mos qëndrojnë duarkryq, të ndërmarrin ndonjë masë, nuk do të japin fryt, nevojitet një mënyrë tjetër e aktivitetit nga shteti ynë, të kërkojë përkrahje për idetë e saj, nëse mund ti gjej. Kështu në mënyrë abstrakte të thuhet se OKB-të duhet të ndërmarrin diçka, është ngjashëm si të lëshosh ndonjë ulërimë në shkretëtirë', tha Denko Malevski, analist.<br /><br />Ndërkohë analisti politik, Alajdin Demiri thotë se Gruevski po troket në derë të gabuar pasi zgjidhja e emrit nuk mund të arrihet nëpërmjet fjalimeve patriotike në OKB, por Maqedonia duhet tentojë të marrë përkrahjen e shteteve të BE-së.<br /><br />'Ky problem nuk ka zgjidhje në kuadër të OKB-ve. Shtetin e shpie drejtë një pozite të disfavorshme, drejtë izolimit. Fatura është izolimi, ngecje ekonomike, fatura është varfërimi i Maqedonisë dhe ky është realiteti, mirëpo mundësia për zgjidhjen e këtij kontesti unë mendojë se duhet të bartet nga OKB-të në Bashkësinë Evropiane pasi Greqia është anëtare e BE-së dhe Maqedonia është pretendonte për anëtarësim', deklaroi Alajdin Demiri, analist politik.<br /><br />Edhe ish Ministri i Jashtëm, Maleski por edhe analisti politik Alajdin Demiri thonë se për momentin Maqedonia nuk ka asnjë rrugëdalje sa i përket tejkalimit të çështjes së emrit. Sipas tyre elita politike në vend duhet të ulet dhe të bisedojë me qëllim gjetjen e një formule që do ta shpinte vendin drejt BE-së dhe NATO-së e më pas të mbahen fjalime si ai i një dite më parë në OKB nga ana e kryeministrit Nikolla Gruevski. Valmir Kuçi
