LEZHE- Reshjet e shumta të shiut që kanë përfshirë territorin shqiptar kanë krijuar edhe problemet e para në këtë fillimvjeshte. Si pasojë e nivelit të shirave gjatë ditës së sotme, është përmbytur aksi hyrës që lidh superstradën me Shëngjinin.<br /> <br />Probleme po kështu janë krijuar edhe në bulevardin kryesor të qytetit të Lezhës, si dhe në lagjen "11 janari" uji ka mbuluar rrugët.<br /> <br />Por reshjet e shiut kanë shkaktuar probleme të kësaj natyre edhe në Shkodër. Edhe rruga që lidh Shkodrën me Dukagjinin është bllokuar si pasojë e përmbytjeve, pasi lumi ka dalë nga shtrati, duke krijuar probleme në komunën Postribë.<br /><br />Dy turistë zvicerianë janë bllokuar për dy orë mëngjesin e sotëm në fshatin Katrrë të Komunës Shalë në zonën e Dukagjinit.<br /><br />Sipas të dhënave, mësohet se për shkak të reshjeve të shumta, përroi i fshatit është fryrë shumë duke i bllokuar ata. Turistët mësohet se kanë lajmëruar kryetarin e komunës, Bal Vuksani. Pas njoftimit, banorët i kanë shkuar në ndihmë atyre.<br /><br />Nga ana tjetër, policia lokale mohon të ketë pasur një rast emegjernce për evakuim turistësh të bllokuar. Burime nga policia thanë se, nuk kanë pasur asnjë njoftim.<br /> <br />Situatë në zonën e Shkodrës ndërkaq po monitorohet nga drejtuesit lokalë, ndërsa po punohet për zhbllokimin e rrugëve.
