A është i mundur konsensusi politik mbi të ardhmen ekonomike të Maqedonisë? Qendra për Analiza Ekonomike i dërgon rekomandim partive politike, për nevojën e debatit që mungon në skenën politike.<br /><br />"Shkopi magjik nuk ekziston. Përgjigjja është e thjeshtë dhe kërkon që njerëzit të debatojnë dhe të zhvishen nga interesat e ngushta partiake dhe egoizmi. Duhet të takohen sa më shpesh, të debatojnë dhe mos stigmatizohen.... duhet të ketë transparencë më të madhe, jo vetëm politike, por edhe transparencë fiskale", tha Marjan Nikolov, CEA.<br /><br />Një ndër çështjet kyçe ekonomike të identifikuara në Maqedoni, është emigrimi i të rinjve në kërkim të së ardhmes më të mirë.<br /><br />"Meqenëse Evropa nuk ka mjaft të rinj që të bartin barrën e zhvillimit dhe teknologjisë, shkencës dhe teknologjisë, ajo gjithnjë e më shumë bën përzgjedhje këtu. Kjo përzgjedhje këtu, ndikon në mënyrë katastrofike në të ardhmen ekonomike të vendit.... sepse këtu do të mbetet vetëm një pjesë që nuk është mjaft e aftë, që nuk mund të matet me botën... Atëherë, çfarë do bëjmë ne si vend? Në një rast bëra shaka, por kjo duket se është vërtet për të ardhur keq - pse Maqedonia ka dështuar pas Lekës së Madh? E pra, dështon sepse çdo gjë që ishte e aftë shkoi me të, dhe këtu mbetën vetëm ata të cilët nuk kanë mundur të shkojnë atje. Si duket do na ndjekë sërish i njëjti fat", u shpreh Stojan Andov, ish-Kryetar i Kuvendit.<br /><br />Ky studim konstatonte se VMRO DPMNE-ja ofron zgjidhje të shumta që janë specifike për partitë majtiste, edhe pse ajo vetë është e djathtë. E njëjta edhe për LSDM-në, e cila ofron zgjidhje të cilat, më së shumti janë tipike për partitë e djathta, edhe pse ajo është majtiste. Megjithatë, në debatin e sotëm, asnjë nga partitë politike nuk mori pjesë. Natasha Stojanovska
