Një 55-vjeçare është gjetur e vdekur në banesën e saj në periferi të qytetit të Sarandës.<br /><br />Viktima është identifikuar si shtetasja, Shpresa Telahi, ndërsa burime pranë policisë bëjnë me dije se nga hetimet paraprake rezulton se ajo është dhunuar me mjete të forta.<br /><br />Viktima jetonte e vetme pas divorcit me bashkëshortin, ndërsa kishte edhe një vajzë të martuar emigrante në Greqi.<br /><br />Ka qenë pikërisht kjo e fundit që e shqetësuar nga mungesa e komunikimit me të emën ka njoftuar të afërmit e saj dhe më pas policinë.<br /><br />Efektivët e policisë kanë shkuar në shtëpinë e 55-vjeçares dhe e kanë gjetur atë në tualetin e banesës, teksa dera ishte mbyllur me çelës nga jashtë.<br /><br />Trupi i pajetë i viktimës është në morgun e qytetit, ndërsa policia e qytetit bregdetar ka nisur hetimet për ngjarjen e rëndë.
