Policia greke beson se ka gjetur mamanë biologjike të Marias, vajzës bionde me sy bojëqielli e cila u gjet në një kamp rom, gjatë një operacioni të policisë për të gjetur drogë apo armë.<br /><br />Mamaja e saj besohet se është Sasha Ruseva, 35 vjeç nga Bullgaria. Gruaja e cila ka dhe dy fëmijë të tjerë, mbidhte ulli në qytetin e Livanates në Greqi, kur ngeli shtazënë me Marian në vitin 2008.<br /><br />Sipas policisë, e ëma e Marias ishte shumë e varfër për t'a mbajtur atë, prandaj vendosi t'ia shite një grupi për trafikimin e fëmijëve.<br /><br />Një ndërmjetës bullgar, i njohur si "Michalis" dhe partnerja e tij ia shitën më pas fëmijën çiftit rom, Eleftheria Dimopoulou dhe Hristos Salis për 1 mijë euro.<br /><br />Policia greke ka filluar bashkëpunimin me kolegët e tyre bullgarë për të gjetur Sasha-n dhe burrin e saj, Atanas Rusev, 37 vjeç. Sipas të dhënave pulike në Bullgari, Sasha është larguar nga vendi në 2008 dhe është rikthyer vetëm në vitin 2011. Një kopie e çertifikatës së lindjes së vogëlushes Maria, e verifikuar dhe nga gazeta britanike Mirror, tregon se ajo ka lindur në 31 janar 2009 në Lamia General Hospital, në Greqi.<br /><br />Ndërkohë që çifti rom është arrestuar dhe pritet të dalin para gjykatës pasi akuzohen për rrëmbim personi.
