Kryeministri Edi Rama ka reaguar sot mbi akuzat për korrupsion ndaj kryebashkiakut të Vlorës, Shpëtim Gjika, të cilat bashke edhe me faktet Rama i ka quajtur "tepër të rënda".<br /><br />"Shpëtim Gjika është mik dhe figurë e lartë e PS në krye të një prej qyteteve më të rëndësishëm të Shqipërisë. Akuza tejet e rëndë dhe faktet tejet të rënda. Të gjithë ndihemi keq nga abuzimi dhe duam të shpresojmë se një abuzim kaq skandaloz me detyrën nuk qëndron", ka thënë paraprakisht Rama.<br /><br />Por pas keqardhjes, kryeministri ka deklaruar para publikut se "ndihemi të detyruar ndaj 1 milion shqiptarëve, që na zgjodhën për të luftuar korrupsionin në të gjitha nivelet, se sot kërkojmë nga drejtësia të kryejë detyrën pa asnjë lloj pengese".<br /> <br />"Ne duam ta shohim Shpëtim Gjikën të çliruar dhe të provojë se s'ka të bëjë me akuzat. Por ne nuk do bëhemi mbyroja politike e asnjë të akuzuari as sot, as kurrë", theksoi Rama.<br /><br />"Duam Shqipëri të drejtë dhe të barabartë për këdo dhe me këdo. Dhe në radhë të parë kur akuza drejtohet ndaj nesh dhe për ndonjërin nga ne", theksoi Rama.
