Rritet gjithmonë e më shumë presioni mbi Shtëpinë e Bardhë për të shpjeguar përgjimet e NSA-së dhe se përse presidenti Obama nuk kishte dijeni për to.<br /><br />Vetë presidenti amerikan, kërkoi një rishikim të të gjitha përgjimeve të kryera jashtë SHBA.<br /><br />Drejtuesit e NSA dhe zyrtarë të tjerë pritet të dëshmojnë sot rreth orës 13:30 me orën lokale, para Dhomës së Përfaqësuesve.<br /><br />Gjatë një interviste për televizionin Fusion, Obama nuk pranoi t'i përgjigjej pyetjes nëse kishte dijeni për përgjimet e Agjensisë së Sigurimit Kombëtar apo jo. Obama u shpreh se nuk kishte ndërmend të komentonte hamendësimet e bëra në shtyp për përgjimin e telefonit të Kancelares gjermane Angela Merkel, apo përgjimet e tjera në Francë, Itali apo Spanjë.<br /><br />Obama theksoi se operacionet e NSA do të rivlerësoheshin për t'u siguruar që aftësia e tyre në rritje e përgjimit, të mbahej nën kontroll. Sipas presidentit amerikan, jo çdo gjë që ata kanë mundësi të bëjnë, duhet medoemos t'a bëjnë.
