KANADA - Kryetari i Bashkisë së Torontos në Kanada, Rob Ford ka refuzuar të japë dorëheqjen pasi policia deklaroi se ka gjetur një video në të cilën shfaqet kryetari duke tymosur 'crack', një nënprodukt i kokainës i cili pasi ekspozohet në nxehtësi të lartë shndërrohet në tym.<br />Policia nuk ka kaluar në detaje të përmbajtjes së videos të xhiruar me celular, por thotë se i përputhet përshkrimit që i është bërë nëpër media.<br />Video fillimisht doli në dritë kur një gazetar raportoi se e kishte parë vetë regjistrimin. Ai shtoi se deri më sot, ajo nuk është bërë publike.<br />Shefi i policisë së Toronto-s, Bill Blair tha për mediat se ata arritën të rekuperonin videon nga një hard drive i një kompjuteri. Ajo përmbante imazhe të cilat ishin raportuar edhe më parë në shtyp.<br />Por deri më tani, policia nuk ka hapur një dosje kriminale për kryebashkiakun Ford në lidhje me këtë video.<br />Gjatë muajit maj, gazeta 'Toronto Star', raportoi se disa shpërndarës droge ishin munduar t'u shisnin videon e cila fillimisht u pa nga 2 prej gazetarëve të saj. Por, në fund vendosën të mos pranonin ofertën.
