LUSHNJE- Sasia e bllokuar e trangullit shqiptar disa ditë më parë në doganën e Malit të Zi ka dhënë një efekt negativ në shitjen e prodhimeve bujqësore për fermerët e Lushnjes.<br /> <br />Si pasojë e kësaj situate, dhjetëra ton me perime që prodhohen në Lushnje kanë mbetur të pashitura , ndonëse po tregtohen me çmime nën koston e prodhimit.<br /><br />Ata reagojnë duke thënë se alarmi është me tendencë për të bllokuar prodhimet shqiptare, pikërisht në kohën e bumit të eksporteve jashtë kufijve. <br /><br />"Kjo ka prapavijë tjetër, që do të thotë bllokim i eksportit të prodhimit shqiptar dhe eksportimi nga shtetet e tjera drejt Malit të Zi. " thotë drejtori i institutit te Transferimit të Teknologjive në Lushnje, Pandeli Boçi (ne foto)<br /><br />Ai garanton konsumatorët se perimet, sidiomos trangulli është brenda normave dhe nuk janë mbartëse të lëndëve helmuese. "Prodhimi jonë është më cilësor"- thotë ai.
