VLORË - Bllokohet "Pallati i Bashës" në plazhin e Ujit të Ftohtë në Vlorë dhe po bëhen gati procedurat për shembjen e tij. Lajmi jepet nga INUK pas matjeve që i kanë bërë sot këtij objekti inspektorët ndërtimorë dhe jo vetëm atij, por dhe shumë objekteve të tjera që kanë përfituar territor nga deti në Vlorë.<br /><br />Rreth "kompleksit Jon", ndërtesës së shumëpërfolur këto ditë si e paligjshme e për t'u prishur e vjehrrit të Bashës, sensibilizim që është përcjellë edhe nga "A1 Report" dhe "Shqiptarja.com", janë vendosur sot pasdite rretheqark shiritat e bllokimit dhe gjenden të pranishme forca policie, për të shmangur incidentet.<br /><br />Edhe pse gazetarët kanë ngulmuar të pyesin më tepër, fillimisht kreu i INUK të Vlorës, Zydi Dajti nuk u shpreh specifikisht, por nënkuptoi se "të gjitha ndërtimet pa leje, si njëkatëshe apo ato shumëkatëshe që zënë territorin e plazhit publik apo lungomares do të prishen pa përjashtim deri në Llogora". Dhe janë plot 190 objekte të tilla, që janë për t'u verifikuar.<br /><br />Më vonë u konfirmua lajmi i shembjes së ndërtesës së Xhaferr Isufit, vjehrrit të kryetarit të PD dhe kryebashkiakut të Tiranës, Lulzim Basha. Ndërtesë e projektuar për hotel, të cilës sot i është bllokuar parkimi i godinës. .
