GJIROKASTËR - Presidenti grek, Karolos Papulias ka premtuar mbrëmë në Derviçan, se pensionet që janë ndërprerë do të kthehen.<br /><br />Në fjalën e tij përpara minoritarëve grekë, presidenti Papulias ka bërë të ditur se, "lidhur me problemin e pensioneve, ministrat përkatës kanë ndërmarrë nismën për rishikimin e vendimeve të marra më parë". Por sipas presidentit grek, zgjidhja e këtij problemi do të jetë i pjesshëm.<br /><br />Nga ana tjetër, presidenti ka siguruar, se kujdesi shëndetësor do të jetë i përhershëm për të gjithë banorët e kësaj zone dhe për të gjithë minoritarët grekë në Shqipëri. Detajet janë zbardhur nga media greke, që ka qenë të pranishëm në këtë takim.<br /><br />"Atdheu është gjithmonë në anën tuaj, do të kujdeset për problemet e tua dhe për këtë gjë do të mundohet në çdo mënyrë dhe mjete, pavarësisht nga kushtet financiare të Greqisë. Në do të angazhohemi për të zgjidhur problemet e përditshme që ju keni si në Shqipëri apo në Greqi", tha gjatë fjalës së tij, në Derviçan, President i i Greqisë, Karolos Papulias.<br /><br />"Me rifillimin e marrëdhënieve të ngushta mes Shqipërisë dhe Greqisë, dialogut mes dy vendeve, fituesit e mëdhej do të jeni ju, grekët e Shqipërisë që në kohë krizash dhe tensionesh jeni ju ata që e paguani çmimin e prejardhjes", ka deklaruar Papulias gjatë fjalës së tij.<br /><br />I pranishëm në këtë takim ka qenë edhe kryepeshkopi, Anastas Janullatos, i cili ka deklaruar se, "prania juaj na jep forcë", duke iu referuar vizitës së Papulias në Shqipëri.<br /><br />Banorët e minoritetit në Derviçan e kanë pritur me këngë dhe valle tradicionale greke, presidentin helen, ndërsa kryetari i Komunës së Dropullit të Poshtëm, Dhimitër Maluçi i ka dhuruar tij në veshje tradicionale dropullite.<br /> <br />Para se të shkonte në Derviçan, presidenti grek ka vendosur kurora me lule në varrezat e ushtarëve grekë në Këlcyrë.
