Kanë qenë pa leje drejtimi të automjeteve dhe janë arrestuar.<br /><br />Kjo ka ndodhur në Kavajë, pjesë e një aksioni të gjerë të Komisariatit të Kavajës në kuadër të marrjes së masave për disiplinimin e trafikut rrugor si dhe penalizimin e shkelësve të Kodit Rrugor dhe ligjeve të tjera në fuqi.<br /><br />Sot janë arrestuar në flagrancë shtetasit: Altin Kasula, Hysni Meka, Oltian Muça, Xhevat Kasa, Enea Totraku, Arif Hoxha, Hysen Stafa dhe Shkëlqim Sokoli.<br /> <br />Ata janë kapur duke drejtuar automjete dhe motorçikleta pa leje drejtimi. Materialet në ngarkim të tyre i janë referuar Prokurorisë së Rrethit Gjyqësor Kavajë për veprën penale "drejtimi i automjeteve në mënyrë të parregullt".<br /><br />Operacioni i sotëm është ndjekur nga afër nga drejtuesit më të lartë të Drejtorisë së Qarkullimit Rrugor në Drejtorinë e Përgjithshme të Policisë së Shtetit.
