BAVARI - Një kërcënim me bombë ka paralizuar për një kohë stacionin hekurudhor në Emskirchen të Bavarisë, Gjermania jugore. Është dashur të evakuohet stacioni dhe te ndalohet treni ICE, nga i cili janë evakuuar udhëtarët, për të kontrolluar trenin nëse ka në të materiale shpërthyese.<br /> <br />300 udhëtarë janë çuar në godinën e zjarrfikësve për shkak të motit të ftohtë që mbretëronte. Pas kësaj, janë lëvizur me autobusë për në Nürnberg.<br /> <br />Por, ndërkohë alarmi është tërhequr pasi që policia federale ka konstatuar se kërcënimi me bombë kishte qenë një shaka e pakripë e një shqiptari i cili ishte arrestuar menjëherë.<br /> <br />Ekspertët e materialeve shpërthyese e kanë kontrolluar edhe njëherë trenin, para se t`i jepnin leje që të nisej në drejtim të Vjenës. Alarmi është tërhequr pasi që policia ka konstatuar se kërcënimi me bombë kishte qenë një shaka e pakripë e një shqiptari 35-vjeçar, i cili ishte arrestuar menjëherë<br /> <br />"Shakaxhiu", shqiptar kur kontrollorja i kishte kërkuar biletën kishte kërcyer nga vendi dhe duke treguar me dorë nga çanta, kishte bërtitur: "Bomba, bomba". Kontrollorja ka lajmëruar policin i cili e ka arrestuar personin në fjalë, njofton sat1bayern.de.<br /> <br />Pas kësaj, treni është ndaluar në stacionin Emskirche. Kur polici ka shikuar në çantën e 35-vjeçarit, nuk ka gjetur asgjë të dyshimtë brenda saj, dhe as bombë. Kontrolli në pjesën e trenit ku kishte qëndruar shqiptari, doli po ashtu pa rezultate.
