KUKES- Edhe ambasadori i SHBA-së deklaron se ende nuk është marrë ende asnjë vendim nëse Shqipëria do të jetë një nga shtetet ku do të asgjësohen armët kimike siriane. Arvizu nënvizon se SHBA është mik i madh i shqiptarëve dhe mbështet transparencën.<br /> <br />"Ende nuk është vendosur asgjë, gjithçka do të bëhet transparente. Është e vërtetë që është bërë një bashkëbisedim mes Shqipërisë dhe Amerikës. SHBA mbështet transprarencën do jemi miq të mëdhenj të shqiptarëve, mirëqënien e shqiptarëve"- tha Arvizu për gazetarët pas takimit me kreun e bashkisë Kukës.<br /> <br />Kreu i bashkisë, Hasan Halili falenderoi Arvizunë për vizitën e tij të tretë. Ai vlerësoi punën ambasadorit. "Është ndër ambasadorët më të suksesshëm. Ka qëndruar afër shqiptarëve në çdo situatë."<br /> <br />Për Arvizunë kjo ishte vizitë para largimit të tij drejt SHBA-së. "Për tre vite kam vlerësuar pjesë të ndryshme të Shqipërisë. Në Kukës kujtojmë mikpritjen e kosovarëve. Ne kemi kontribuar për pavarësinë e Kosovës. Marrëdhëniet mes tre vendeve janë të shkëlqyera Kosovë- Shqipëri-Amerikë.
