TIRANE- Gjimnazistët e shkollës "Çajupi" kanë bojkotuar sot mësimin në shenjë proteste ndaj drejtorit të shkollës.<br /><br />Sipas nxënësve Vladimir Bodeci ka vënë në regjistër vërejtje disiplinore, thyerje të notës në dispilnë për gjimnazistët të cilët të enjten dhe të premten e kaluar bojkotuan shkollën për tju bashkuar protestës para kryeministrisë për t'i thënë "jo armëve kimike".<br /><br />Kjo mund të ndikojë tek maturantët pasi rrezikojnë të mos hyjnë në provimet e maturës. <br /><br />Sot paradite nxënësit në oborrin e shkollës thërrisnin "E duam, shkollën pa politikë" dhe nuk pranuan të hynin në mësim. Nga ballkoni i shkollës, drejtori i bëri thirrje nxënësve të hyjnë në shkollë dhe sqaron se asnjë nxënës nuk i është dhënë masa thyerje e notës në sjellje, por i është dhënë vetëm një vërejtje disiplinore.<br /><br />Nxënësit thonë se dolën në protestë për të mbrojtur një të drejtë të tyre.
