TIRANE- Kryetari i Kuvendit Ilir Meta e ka cilësuar me bazë reale shqetësimin e qytetarëve lidhur me çështjen e lëndëve kimike të Sirisë. I ftuar në studio, kryetari i Kuvendit, Ilir Meta është ndalur edhe tek përftimet apo humbjet e vendit nga mosshkatërrimi i armëve kimike.<br /><br />Kreu i Kuvendit, tha se përfshirja në një proces të tillë nëse do kihsim kapacitetet e duhura, do të rriste reputacionin e Shqipërisë në arenën ndërkombëtare, ndërsa ka theksuar se "shqetësimi i qytetarëve nuk ishte pa baza reale, pasi ata duhet të informoheshin".<br /><br />Nga ana tjetër Meta ka shtuar se "kryeministri Rama ka shqyrtuar të gjitha mundësitë dhe hapësirat se sa mund të kontribuonte Shqipëria për paqen në botë".<br /><br />I pyetur nga gazetari Ilir Babaramo lidhur me votën e tij për këtë çështje, Meta tha se nuk mund të mbante një qëndrim, pasi nuk ka patur një projektligj apo vendim nga ana e qeverisë, por çështja ishte në nivel propozimi apo bisedimesh.<br /><br />Sa i takon kryesimit të PD, duke iu referuar bisedës me ish-kryeministrin në seancën e kaluar të Kuvendit, Meta tha: Përderisa u ula afër zotit Berisha, besoj se e kam kuptuar.<br /><br />Pas diskutimeve dhe protestave të vazhduara lidhur me rrezikun që mund të përbënte për vendin tonë sjellja dhe shkatërrimi i lëndëve kimike të Sirisë, si dhe protestave në mbarë vendin, kryeministri Edi Rama, dha përgjigjën e mosrpranimit të këtyre lëndëve, pasi Shqipëria nuk ka kapacitetet e duhura për reailizmin e procesit.
