Partitë politike po hyjnë në një fushatë të hapur për zgjedhje të parakohshme parlamentare. Analistët vlerësojnë se seria e masave populiste tregon se nga Qeveria nga njëra anë i ndërmerr masat, ndërsa nga ana tjetër edhe opozita i propozon të njëjtat. Lojëra shpërblyese me llogaritë fiskale fiskal, legalizim më i lehtë, propozime për një kthim të TVSH- së qytetarëve, masat për bujqit, çdo gjë është vënë në lojë nga ana e partive.<br /><br />"Është më se e qartë se po vlojnë lojërat rreth mbajtjes së zgjedhjeve të parakohshme parlamentare dhe partitë politike përpiqen të fitojnë vota sa më shumë të munden, që ta rrisin numrin e mbështetësve të tyre dhe përpiqen përmes një numri të masave populiste ta animojnë jo vetëm anëtarësinë , por edhe votuesit e pavendosur", tha Jove Kekeknovski, analist.<br /><br />Analisti Naser Ziberi vlerëson se kjo garniturë qeveritare thuajse nuk e kryen asnjë mandat të tërë dhe menjëherë shkon në zgjedhje të parakohshme, që sipas tij është sinjal i keq, pasi interesat partiake i vendosin para interesave të qytetarëve.<br /><br />"Kjo është një indikatorë i cili flet se partitë në pushtet nuk kanë prioritet interesat e qytetarëve por interesat e ngushta partiake. Sepse edhe përkundër faktit se janë komotë në qeverisje, kanë shumicë parlamentare ata shpallin zgjedhje të parakohshme. Qëllimi i qeverisë nuk është që sa më gjatë të qeverisë dhe ta zgjat periudhën e qeverisjes por gjatë një mandati të caktuar ti zgjidh mundësisht sa më tepër problemet e qytetarëve, të krijoj kapacitete demokratike për qeverisje, integrim euro-atlantik dhe zhvillim ekonomik. Nëse pra qeveria nuk përcaktohet në këto parime për realizimin e këtyre objektivave në kushte kur ka shumicë të mjaftueshme në parlament, ajo do të thotë prioritet ka vetëm interesin e ngushtë se si dy partitë politike respektivisht VMRO-DPME-ja të mbetet sa më gjatë në pushtet", deklaroi Naser Zineri, analist.<br /><br />Për Kekenovskin elektorati fitoi kulturë të mjaftueshme politike dhe di t'i vlerësojë premtimet reale nga ato të rreme.<br /><br />"Këto masa populiste nuk janë risi në vend. Me këto masa populiste filloi VMRO-DPMNE dhe u pa se kjo ka rezultat tetë vjet me radhë, dhe në anën tjetër edhe LSDM pas një kohe të gjatë u përpoq ti popullarizon këto masa populiste. Por ne duhet të kujtojmë se me ardhjen e qeverisë së Gruevskit vendosën programin dhe llogaridhënien për programin. Pra, të gjithë që do të sugjerojnë masa të tilla duhet të jenë real", tha Jove Kekenovski, analist.<br /><br />Por përveç masave populiste, partitë politike filluan të udhëheqin edhe fushata kundër njëri-tjetrit, me akuza dhe kundër akuza për abuzimin e funksioneve dhe pasurim të paligjshëm. Natasha Stojanovska
