TIRANE- Në një intervistë për TV A1 Report ministri i Mirëqënies Sociale dhe Rinisë Erion Veliaj deklaron se javën e ardhshme, dikasteri që ai përfaqëson, do të dërgojë në prokurori dosjen me më shumë se 100 persona të cilët akuzohen për abuzimet e deritanshme me ndihmën ekonomike.<br /><br />"Nga java tjetër do të çojmë në Prokurori disa abuzues. Janë një seri dosjesh. Do të bëjmë gjithë paketën e kallëzimeve në prokuroritë e rretheve. Bëhet fjalë për funksionarë dhe administrator vendorë"- thotë ministri Veliaj në një intervistë dhënë Kryeredaktores së A1 Report Sadiela Olloni.<br /><br />Veliaj flet dhe për ndryshim të skemës së ndihmës ekonomike duke hequr kompetencat e pushtetit vendor.<br /><br />Ai ka pohuar se në janar do të merren të gjitha detyrimet e prapamentura të ndihmes ekonomike ndërsa ka paralajmeruar një skemë të re për menyren sesi do të funksionojë me tej ndihma ekonomike<br /><br />"Askush nuk do të marrë ndihmë ekonomike nëse nuk çon fëmijët në shkollë."<br /><br />DUHEN 100 MILION DOLLARE PER PASTRIMIN E HOTSPOTEVE, S'I KEMI<br />Lidhur me pastrimin e 31 hotspoteve me lëndë kimike, Veliaj tha se ka kosto të madhe dhe qeveria nuk i disponon ato para.<br /><br />"Duhen 100 milionë dollarë për pastrimin e 31 hotspoteve. Kostoja është e jashtëzakonshme dhe duhen donacione nga jashtë"- ka thënë ministri Veliaj.<br /><br />"Çka do të thotë se qeveria shqiptare nuk i disponon për momentin këto para? Është pyetur sërish Veliaj dhe përgjigja ishte "Kostoja e pastrimit të hotspoteve kërkon absolutisht mbështetje financiare nga jashtë. Elbasani është më problematiku, dhe ka problem në shëndetin e njerëzve"
