LUSHNJE- Tre hidrovoret e Lushnjës janë në funksion të plotë duke shmangur përmbytjet e në zonat bujqësore për këtë sezon dimëror. Ky fakt ka dalë në pah gjatë një inspektimi në këto tre hidrovore nga përfaqësues të nënprefekturës si dhe specialistë të Bordit të Kullimit.<br /><br />Ata qetësojnë banorët se këtë vit nuk do të ketë përmbytje nga reshjet intensive.<br /><br />Po ashtu, ata u bëjnë apel që të mos hedhin mbeturina në kolektorë, pasi rrezikon dëmtimin e tyre dhe shkaktimin e përmbytjeve.<br /><br />Hidrovoret e Lushnjës kanë së bashku një fuqi të instaluar prej 16 pompash që përcjellin rreth 10 metër kub ujë në sekondë secila, dhe ndikon në kullimin e rreth 45 mijë hektarëve toke në Lushnjë dhe në një pjesë të fushave të rrethit të Fierit.
